Peb nyob hauv ib lub ntiaj teb uas muaj kev ntxhov siab, thiab nws nyuaj zuj zus rau kev paub qhov txawv ntawm Vajtswv txoj kev tseeb thiab Xatas tej kev ntxias.

Thaum peb ua neej kom dawb huv, tsim txiaj, thiab huv si, peb yuav ua tau ib lub cuab yeej txais kev coj thiab kev qhia los ntawm peb Leej Txiv Saum Ntuj Ceeb Tsheej dhau los ntawm tus Vaj Ntsuj Plig Dawb Huv. Thawj Tswj Hwm Russell M. Nelson tau hais tias, “Thaum peb nrhiav kom ua Yexus Khetos cov thwj tim, peb tej kev siv zog los mloog Nws yuav tsum haj yam muaj lub hom phiaj meej. Nws yuav tsum muaj kev siv zog uas paub tseeb thiab tsis tu ncua kom peb lub neej txhua hnub puv npo nrog Nws tej lus, Nws tej lus qhia, thiab Nws tej kev tseeb.”

Thaum peb siv sij hawm los muab Yexus Khetos ua thawj hauv peb lub neej, peb qhia rau Leej Txiv Saum Ntuj Ceeb Tsheej paub tias peb kam qhib siab txais Nws txoj kev coj. Hauv Ether 12:41, muaj hais tias, “Thiab nim no, kuv xav kom nej nrhiav tus Yexus no, Kev siv zog rau siab ntso nrhiav Yexus thaum peb lub neej muaj haujlwm ntau yuav maj mam dhau los ua ib txoj kev coj thiab coj mus rau kev txais kev tshwm sim ntau dua. Kev kawm qhia tias tom qab 3 lub lis piam, peb muaj peev xwm tsim tau ib txoj kev coj tshiab yog peb siv zog tsis tu ncua. Muaj ib qho kev hloov me me twg uas koj ua tau hauv koj lub neej kom los ze rau Yexus Khetos dua, kom tus Ntsuj Plig thiaj li coj tau koj kom puv npo ntxiv mus rau koj lub peev xwm los saum ntuj los?

Muam Emmi Becker
Thawj Tswj Hwm Hluas Nkauj hauv Koog Txoos  
Appleton Wisconsin